Posts Tagged ‘ஒற்றன்’

குஜராத்தில் ஒரு பெண் கண்காணிக்கப்பட்டது, சிபிஐயின் வசமுள்ள ஒலிநாடாக்கள், தனியார் விசாரணைக்காரர்களிடம் கிடைத்தது, அவற்றை வைத்துக் கொண்டு, இணைதளத்தில் போட்டது, அவற்றை செய்திகளாக்கியது, செய்திகளை வைத்துக் கொண்டு குற்றஞ்சாட்டியது முதலியன (1)

நவம்பர் 21, 2013

குஜராத்தில் ஒரு பெண் கண்காணிக்கப்பட்டது, சிபிஐயின் வசமுள்ள ஒலிநாடாக்கள், தனியார் விசாரணைக்காரர்களிடம் கிடைத்தது, அவற்றை வைத்துக் கொண்டு, இணைதளத்தில் போட்டது, அவற்றை செய்திகளாக்கியது, செய்திகளை வைத்துக் கொண்டு குற்றஞ்சாட்டியது முதலியன (1)

Asish ketan anti-modi campaign2

குஜராத் முன்னாள் அமைச்சர் அமித் ஷா உத்தரவுப்படி அந்த மாநிலத்தைச் சேர்ந்த இளம்பெண் காவல்துறையால் சட்டவிரோதமாக வேவு பார்க்கப்பட்டதாக புகார் எழுந்துள்ளது[1]. குஜராத் முதல்வரின் வலதுகரமாகச் செயல்பட்டவர் அமித் ஷா. போலி என்கவுன்ட்டர் வழக்கில் குற்றம் சாட்டப்பட்டுள்ள அவர் தற்போது புதிய விவகாரத்தில் சிக்கியுள்ளார். ஆதலால், அவருடைய பாஸ் மோடி என்பதால், மனித உரிமைகள் மீறிய குற்றத்திற்காக மோடி பதவி விலக வேண்டும், தேர்தலில் நிற்க அவருக்கு யோக்கியதை இல்லை, நிற்கக்கூடாது என்றெல்லாம் வாதங்கள் எழுந்துள்ளன. இனி இதன் பின்னணி என்ன என்பதனைப் பார்ப்போம். போலி என்கவுன்டர் விசயத்தில், உள்துறையின் கீழ் வரும் சிபிஐ மற்றும் என்.ஐ.ஏ எப்படி மோதவிடப் பட்டன என்பதை முன்னர் பார்த்தோம்.

Asish ketan anti-modi campaign

உள்துறையின் கீழ் வரும் சிபிஐ மற்றும் என்.ஐ.ஏ முதலியவை மோதவிட்டது:குஜராத்தைப் பொறுத்த வரையில், இஸ்ரத் ஜஹான் என்ற பெண் தன்னுடைய கேரளாவின் காதலுடன் மோடியைக் கொல்ல திட்டமிட்டு குஜராத்திற்கு வந்ததாகக் கருதப் பட்டு, போலீசாரால் சுட்டுக் கொல்லப்பட்டாள். இதனை “என்கவுன்டர்” என்று சொல்லப்பட்டு, பிறகு “போலி என்கவுன்டர்” ஆகி சர்ச்சைகளில் சிக்கியுள்ள விவகாரமாகி விட்டது. இதனால், சம்பந்தப்பட்ட போலீஸ் அதிகாரிகள், மற்றதுறை அதிகாரிகள், சம்பந்தப்பட்டதுறைகளின் மந்திரிகள், முதல் மந்திரி என்று அனைவரது மீதும் குற்றஞ்சாட்டப் பட்டது. வழக்குகள் நடந்து வருகின்றன. இருப்பினும் இடையிடையே, 2002 பிரச்சினை நேரிடையாகவும், மறைமுகமாகவும் கிளப்பப்படுகிறது.

Anti-modi-brigade

செக்யூலரிஸ போர்வையில் கம்யூனலிஸமாக்கப்படும் பிரச்சினை: 2002கிருந்து நடந்து வருவதால், இடையில் தேர்தல்களும் நடந்துள்ளதால், தொடர்ந்து காங்கிரஸ்-பிஜேபிக்கு மோதல்கள் வலுத்துள்ளதால், அதே நேரத்தில் மோடியே திரும்ப-திரும்ப வெற்றிப் பெற்று முதலமைச்சராகியுள்ளாதால், மத்தியில் பத்தாண்டுகளாக ஆட்சி செய்து வரும் காங்கிரஸ்-கூட்டணி சிபிஐ, என்.ஐ.ஏ, ஐ.ஏ.எஸ் போன்ற அதிகாரிகள் மோடிக்கு எதிராக செயல்பட வைத்துள்ளனர். இதனால், நீதித்துறை, போலீஸ்துறை, மற்றும் சிபிஐ, என்.ஐ.ஏ, உள்துறை முதலியவை அரசியல் மயமாக்கப் பட்டுவிட்டது. இப்பிரசினையில் முஸ்லிம்பிரச்சினையும் சேர்ந்துள்ளதால், ஓட்டுவங்கி அரசியலுக்காக தேர்தல் வரும் போதெல்லாம், அவ்வழக்குகளை தூசிதட்டு எடுக்கிறது, கோர்ட்டுகளில் அழுத்தத்தை ஏற்படுத்தி அதிரடி தீர்ப்புகள் கொடுக்க ஆணையிடுகிறது, இல்லை ஏதாவது ஒரு பழைய பிரச்சினையைக் கிளப்பி விட்டு அதனை 2002 கலவரத்துடன் சேர்த்து, மோடி முஸ்லிம்களைக் கொண்று விட்டார் என்ற பழையப் பாட்டைப் பாட ஆரம்பிக்கிறது. இதற்கு ஊடகங்கள் பெரும்பாலும் துணை போகின்றன.

Asish ketan anti-modi campaign3

பிரதீப்சர்மாமனுவில் மாறம் செய்தது: போலி என்கவுன்டர் பிரச்சினை உண்மையில் பல ஐ.பி.எஸ் மற்றும் ஐ.ஏ.எஸ் அதிகாரிகளுக்குள் சண்டையை மூட்டியுள்ளது. காங்கிரஸ் வேண்டுமென்றே இதற்கு நெருப்பூட்டி, எண்ணையினையும் ஊற்றி வருகிறது. இவ்விசயத்தில் பிரதீப் சர்மா என்ற IAS அதிகாரி 1984வது பிரிவைச் சேர்ந்தவர், நிலத்தை சட்டத்திற்குப் புறம்பாக சிலருக்கு ஒதுக்கீடு செய்தது, கட்ச் பகுதியில் உள்ள சில கம்பெனிகளுக்கு நிலத்தை கொடுத்தது போன்ற விசயங்களில் ஐந்து குற்றவியல் வழக்குகளில் சிக்க்யுள்ளார். கட்ச் பூகம்ப நிவாரண நிதி பட்டுவாடா விசயத்திலும் முறையற்ற விதத்தில் நடந்து கொண்டதால் ஜனவரி 6, 2010 அன்று கைது செய்யப்பட்டார். அப்பொழுது பாவ்நகர் முனிசிபல் கமிஷனராக இருந்தார்[2].யஆனால், அவரது குற்றங்களை, குற்றச்சாட்டுகளை அரசியலாக்கப் பார்க்கிறார். பிரதீப் சர்மா என்ற IAS அதிகாரி தான் 2002 கலவரங்களில் அரசின் பங்கு இருப்பதை வெளிப்படுத்தியதால் தான், தனது சகோதரன் குல்தீப் சர்மா என்பவரை தொந்தரவு படுத்துவதாக ஒரு மனு கொடுத்தார்.

G.L. Singhal, suspended IPS officer Photograph by Mayur Bhatt

பிரஷாந்த்பூஷண்என்றஆம்ஆத்மிகட்சிக்காரர்”இவருக்காக வாதாடுவது: முதலில் அவர் தனது மனுவில் ஆதாரமில்லாத குஜராத் அரசு ஒருபெண்ணை வேவு பார்த்ததாக சில டேப்புகளைப் பற்றிக் குறிப்பிட்டிருந்தார். நீதிமன்றம் மே.12, 2013 அன்று அவருடைய வழக்கிற்கும், குறிப்பிடப் பட்ட டேப்புகளுக்கும் சம்பந்தம் இல்லை என்பதால், எடுத்துவிடும் படி ஆணையிட்டது. அவ்வாறே அவரும் செய்தார். அதாவது மனு மாற்றி தாக்கல் செய்யப்பட்டது. இவருக்கு பிரஷாந்த் பூஷண் என்ற “ஆம் ஆத்மி கட்சிக்காரர்” வாதாடி வருகிறார். அரசுதரப்பில் வாதாடும் வக்கீல் துஷார் மெஹ்தா சர்மா தனது மனுவில் டேப்புகளைப் பற்றி ஒன்றும் குறிப்பிடப்படவில்லை என்று எடுத்துக் காட்டினார். அந்நிலையில் உச்சநீதிமன்றம், பிரதீப் சர்மாவை ஒரு தன்னிலை விளக்க பிரமாணத்தைத் தாக்கல் செய்யுமாறு உத்தரவிட்டுள்ளது.

gl_singhal_amit Outlook representation

குறிப்பிட்ட ஊடகங்களின் வர்ணனை: பெங்களூரைச் சேர்ந்த பெண் பொறியாளர் ஒருவரை 2009-ம் ஆண்டில் காவல் துறையினரின் உதவியுடன் அமித் ஷா உளவு பார்த்துள்ளார். மூத்த போலீஸ் அதிகாரி ஜி.எல்.ஜிங்கால் தலைமையிலான போலீஸார் அந்தப் பெண்ணை, விமான நிலையம், ஹோட்டல், ஷாப்பிங் மால், உடற்பயிற்சிக் கூடம், மருத்துவமனை என பல்வேறு இடங்களில் பின்தொடர்ந்துள்ளனர். வேவு பார்க்கப்பட்டதாகக் கூறப்படும் பெண்ணின் பெற்றோர் குஜராத்தின் அகமதாபாத் நகரில் வசிக்கின்றனர். அவர்களைப் பார்க்க அந்தப் பெண், பெங்களூரில் இருந்து அடிக்கடி அகமதாபாத் வந்து சென்றுள்ளார். 2005-ம் ஆண்டில் குஜராத்தின் பாவ்நகர் மாநகராட்சி விழாவில் முதல்வர் நரேந்திர மோடியும் அந்தப் பெண்ணும் சந்தித்ததாக கோப்ரா போஸ்ட் [Two investigative portals, Cobrapost and Gulail] இணையதளம் நவம்பர் 15, 2013 அன்று கூறுகிறது[3]. இதற்கு ஆதாரமாக அமித் ஷாவுக்கும் ஷிங்காலுக்கும் இடையே நடைபெற்ற தொலைபேசி உரையாடல்களையும் அந்த இணையதளம் வெளியிட்டுள்ளது. அதில் பெரும்பாலான இடங்களில், மேலிட உத்தரவின்பேரில் இந்த உளவுப் பணி நடைபெறுவதாக போலீஸ் அதிகாரியிடம் அமித் ஷா கூறுகிறார்[4]. இவைல்லாம் ஆஷிஷ் கேதான் மற்றும் ராஜா சௌத்ரி[5], [The Stalkers: Amit Shah’s Illegal Surveillance Exposed] என்ற வெளியிட்ட கட்டுரையின் மீது ஆதாரமாக வெளியிடப்பட்டுள்ள செய்தியாகும்[6]

 

சிபிஐயிடம் இருந்த் டேப்புகள் எப்படி ஆஷிஷ் கேதானிடம் வந்தன?: ஜி.எல். சிங்கால் என்ற போலீஸ் அதிகாரி வழக்குகள் சம்பந்தமாக சிபிஐயிடன் நூற்றுக் கணக்கான ஒலிநாடாக்களை ஒப்படைத்தார். அவையெல்லாம் மாநில குஜராத் அரசு தீவிரவாதிகளைக் கண்காணிக்க அதிகாரிகளுக்கு கொடுக்கப் பட்ட ஆணைகள், உள்துறை அமைச்சர், மற்ற போலீஸ் அதிகாரிகளின் உறையாடல்கள் முதலியவற்றைக் கொண்டுள்ளது. ஆனால், அவற்றில் சிலவற்றில், ஒரு பெண்ணைக் கண்காணிக்கச் சொல்லதாக உள்ளன. அந்த போன் உரையாடல்களின் மூலம், எப்படி ஒரு பெண் கண்காணிக்கப்பட்டாள் என்று தெரிய வருகிறது. ஆனால், இவ்வாறு சிபிஐயிடம் உள்ள ஒலிநாடாக்கள் எப்படி தனியாரிடம் வந்தன, குறிப்பாக ஆஷிஷ் கேதான் போன்ற பிஜேபி-எதிர்பிரச்சாரக் காரர்களிடம் கிடைக்கபெற்றுள்ளன என்பதை யாரும் விவாதிப்பதாக இல்லை. அதாவது, சிபிஐ தன்னிடமுள்ள எந்த ஆதாரங்களையும் அதுமாதிரி வெளிப்படுத்த முடியாது. குறிப்பாக சம்பந்தப்பட்டுள்ள வழக்குகள் நிலுவையில் உள்ளபோது, இவ்வாறு பொதுமக்களிடம் விநியோகிக்கும் அளவில் கிடைக்க வாய்ப்பு கொடுக்காது. ஆனால், கொடுக்கப்பட்டுள்ளன. அப்படியென்றால் –

  1. சிபிஐக்கு யார் அவ்வாறு கொடுக்க ஆணையிட்டது?
  2. 2009லேயே தெரிந்த விசயத்தை, இப்பொழுது பிரச்சினையைக் கிளப்பலாம், அவற்றில் அமித் ஷா பேசிய உரையாடல்கள் உள்ளன என்பனவெல்லாம் தெரிந்து அவற்றை மட்டும் தேர்ந்தெடுத்து எப்படி ஆஷிஷ் கேதானிடம் கொடுக்கப்பட்டன?
  3. அமித் ஷா பேசிய உரையாடல்கள் உள்ளன என்பது யாருக்குத் தெரியும்?
  4. அவர்கள் அதனை எப்படி தெரிந்து கொண்டார்கள்?
  5. குறிப்பாக ஒரு பெண் கண்காணிக்கப்பட்ட விசயம் உள்ளது என்பது அவர்களுக்கு எப்படி தெரியும்?

ஆகவே, அந்த டேப்புகள் முழுவதும் போட்டுப் பார்த்து, கேட்டுத் தெளிந்து, இவ்விவகாரங்கள் உள்ளன, இவற்றை மோடிக்கு எதிராக உபயோகப் படுத்தலாம், அவற்றை இப்பொழுதுதான் கொடுக்க வேண்டும், ஆஷிஷ் கேதானிடம் கொடுக்கப்படவேண்டும் என்பனவற்றையெல்லாம் யாரோ தீர்மானித்துள்ளார் அல்லது தீர்மானிக்கப்பட்டுள்ள்து.

© வேதபிரகாஷ்


[2] Sharma, a 1984 batch IAS officer, is facing five criminal cases including a case for alleged irregularity in land allotment to private firms in Kutch district in 2008. In his petition, he had made references to the alleged surveillance on the woman. The court had on May 12, 2011 directed him to remove those charges. Sharma had deleted the references to the woman from his petition. Sharma, who last served as Bhavnagar municipal commissioner, was arrested on January 6, 2010 in a case involving alleged irregularities in Kutch earthquake rehabilitation.

http://timesofindia.indiatimes.com/india/SC-seeks-Gujarat-IAS-officers-affidavit-on-snooping/articleshow/26060200.cms

[5] Ashish Khetan is Editor, Gulail.com and Raja Chowdhury is Senior Correspondent, Cobrapost.com

http://www.youtube.com/watch?feature=player_embedded&v=roVZrT2_xuc

[6]  Ashish Khetan and Raja Chowdhury, The Stalkers: Amit Shah’s Illegal Surveillance Exposed, Updated: Nov 15, 2013 04:49 AM,  http://www.cobrapost.com/index.php/news-detail?nid=3969&cid=7

சோனியாவிற்கு எதிராக ஆர்பாட்டங்கள் நடந்து கொண்டிருக்கும் போது, ராகுல் எப்படி அந்திமக்கிரியையில் கலந்து கொள்கிறார்? (2)

மே 4, 2013

சோனியாவிற்கு எதிராக ஆர்பாட்டங்கள் நடந்து கொண்டிருக்கும் போது, ராகுல் எப்படி அந்திமக்கிரியையில் கலந்து கொள்கிறார்? (2)

Rahul gandhi with Dalbir kaur

ராகுல்சரப்ஜித்சிங்கின்குடும்பத்தைசந்தித்தது: 03-05-2013 அன்று ராகுல் சரப்ஜித் சிங்கின் குடும்பத்தை சந்தித்து ஆறுதல் கூறியுள்ளது அரசியலாக்கத்தான் தெரிகிறது.  ஒரு மணி நேரம் அவர்களுடன் இருந்த ராகுல் மிகவும் உணர்ச்சி வசப்பட்டு, சரப்ஜித் சிங்கின் சகோதரி தல்பீர் கௌரை அணைத்துக் கொண்டு ஆறுதல் கூறியுள்ளார்[1]. முன்பு இவ்விஷயத்தில் அக்கரைக் காட்டாதவர், இப்பொழுது எப்படி இவ்வாறு செய்கிறார் என்று வியப்பாக இருக்கிறது. ஆளும் கட்சி பிஜேபியுடன் கூட்டாக இருக்கும் போது, சீக்கியர்களை காங்கிரஸ் பக்கம் கடந்த தேர்தலின் போது முயற்சிகள் நடந்தன. கடந்த 2012-தேர்தலின் போது கூட, அம்முயற்சிகள் வெளிப்படையாகத் தெரிந்தன[2]. ஆனால், சீக்கிய-விரோத கலவர வழக்குகள் காங்கிரஸை எதிராகவே வைத்தன. சிரோமணி அகாலிதல்—பீஜேபி கூட்டு வெற்றிப் பெற்றது[3]. சமீபத்தில் ஜகதீஸ் டைட்லர், சஜ்ஜன் குமார் விடுவிக்கப்பட்டது, அவர்களிடம் பெருத்த கொதிப்பை ஏற்படுத்தியுள்ளது. தினமும் சோனியா வீட்டின் முன்பு ஆர்பாட்டம் நடந்தது. இந்நிலையில் ராகுல் அந்திமக்கிரியையில் கலந்து கொள்வது[4] பல கேள்விகளை எழுப்பியுள்ளன.

Rahul_Gandhi_at_Sarabjit_Singh_funeral

லாகூர்வெடிகுண்டுவழக்கு: பஞ்சாப் மாநிலம், அமிர்தசரஸ் அருகே உள்ள, பாகிஸ்தான் எல்லையை ஒட்டிய, பிகிவிண்ட் என்ற கிராமத்தை சேர்ந்தவர், சரப்ஜித் சிங் விவசாயி. பாகிஸ்தானின் லாகூர் நகரில், 1990ம் ஆண்டு தொடர் வெடிகுண்டுகள் வெடித்தன. அதில், இந்திய உளவுப்படையான, “ரா’ வின் கைவரிசை இருக்கலாம் என, பாகிஸ்தான் கருதி வந்து, எல்லைகளில் விசாரணை மேற்கொண்டு வந்தது. இந்நிலையில், இந்தியா – பாகிஸ்தான் எல்லை அருகே, போதையில் சுற்றித் திரிந்த, சரப்ஜித் சிங்கை, இந்திய உளவாளி எனக் கருதிய பாகிஸ்தான் போலீசார், அவரைப் பிடித்து சென்று, சிறையில் அடைத்தனர்[5].

தவறுதலான அடையாளத்தினால் கைது, தண்டனை: பாகிஸ்தான் எல்லை அருகே, போதையில் சுற்றித் திரிந்த, சரப்ஜித் சிங்கை, “மஞ்சித் சிங்” என்று அடையாளம் காணப்பட்டு பாகிஸ்தானியர் கைது செய்தனர்[6]. ஆரம்பநிலையில் குற்றத்தை ஒப்புக் கொண்டதாக பாகிஸ்தான் அறிவித்தது[7]. சரப்ஜித் சிங்தான், “மஞ்சித் சிங் என்று அடையாளம் காட்ட முடியாத நிலையில், தனியாக அழைத்துச் சென்று, அவர் மீது, வெடிகுண்டு வழக்குகள் தொடரப்பட்டு, தூக்கு தண்டனை அறிவிக்கப்பட்டது. அவரின் கருணை மனுக்களை, கோர்ட்டுகளும், அப்போதைய அதிபர் முஷாரப்பும் நிராகரித்த நிலையில், தண்டனையை, அதிபர் ஜர்தாரி அரசு நிறுத்தி வைத்திருந்தது. இந்நிலையில், லாகூர் சிறையில் அடைக்கப்பட்டிருந்த சரப்ஜித் சிங்கை, சில நாட்களுக்கு முன், பாகிஸ்தானை சேர்ந்த கைதிகள் சிலர் தாக்கியதில், பலத்த காயமடைந்த அவர், சுயநினைவு இழந்தார். “கோமா’ நிலையில், லாகூர் மருத்துவமனையில், சிகிச்சை பெற்று வந்த அவர், நேற்று முன்தினம் அதிகாலையில் இறந்தார். விமானம் மூலம் அவர் உடல் எடுத்து வரப்பட்டது[8].

சொந்தஊரில்தகனம்: பிறகு, சொந்த ஊரான பிகிவிண்டிற்கு, ஹெலிகாப்டரில் எடுத்துச் செல்லப்பட்ட சரப்ஜித் உடல், நேற்று அங்கேயே தகனம் செய்யப்பட்டது. இறுதிச் சடங்குகளை, சரப்ஜித்தின் மூத்த சகோதரி, தல்பீர் சிங் மேற்கொண்டார். அப்பொழுது கூட, ராகுல் அணைத்தப் படி காணப்பட்டார். மாநில அரசு சார்பில், முழு அரசு மரியாதையுடன், சரப்ஜித் சிங் உடல், துப்பாக்கி குண்டுகள் முழங்க, தகனம் செய்யப்பட்டது[9]. இதில், மாநில முதல்வர், பிரகாஷ் சிங் பாதல், துணை முதல்வர், சுக்பீர் சிங் பாதல், வெளியுறவுத் துறை இணையமைச்சர், பிரினீத் கவுர், காங்கிரஸ் பொதுச் செயலர், ராகுல் உட்பட, ஏராளமானோர் பங்கேற்றனர்[10]. சரப்ஜித் மறைவுக்கு, இரங்கல் தெரிவிக்கும் விதமாக, பஞ்சாப் மாநிலத்தில், மூன்று நாள் துக்கம் கடைபிடிக்கப்படுகிறது.மாநில சட்டசபையின் சிறப்பு கூட்டம் நேற்று கூடி, “சரப்ஜித் சிங், தேசிய தியாகி; அவர் மறைவு குறித்து, சர்வதேச விசாரணை நடத்த வேண்டும்’ என, தீர்மானம் நிறைவேற்றியது.

உடல்உறுப்புகள்அகற்றம்: லாகூர் மருத்துவமனையில், பிரேத பரிசோதனைக்குப் பிறகு, அவர் உடல், சிறப்பு விமானத்தில் இந்தியா கொண்டு வரப்பட்டது. அமிர்தசரஸ் நகர மருத்துவமனையில், மீண்டும் பிரேத பரிசோதனை மேற்கொள்ளப்பட்டது. லாகூர் சிறையில் சரப்ஜித் சிங் மீது நடத்தப்பட்ட கொடூர தாக்குதலில், அவர் தலையில், 5 செ.மீ., அகலத்திற்கு காயம் ஏற்பட்டிருந்தது. ஆழமாக இருந்த அந்த காயம் தான், அவரை, “கோமா’ நிலைக்கு கொண்டு சென்றது என, அவரின் உடலை, பிரேத பரிசோதனை செய்த, லாகூர் டாக்டர்களில் ஒருவர் கூறியுள்ளார்.மேலும், மரணம் ஏற்பட்டதற்கான காரணத்தை கண்டுபிடிக்க, சரப்ஜித் சிங்கின் மண்ணீரல், சிறுநீரகம், கல்லீரல், குடல், மூளை போன்ற பாகங்கள் அகற்றப்பட்டு, ஆய்வுக்கு அனுப்பப்பட்டுள்ளதாகவும், அந்த டாக்டர் கூறினார்.

பாகிஸ்தான்பத்திரிகைகள்இரங்கல்: பாக்., சிறையில், சரப்ஜித் கொல்லப் பட்டதற்கு, அந்நாட்டு பத்திரிகைகள் கடும் கண்டனம் தெரிவித்துள்ளன. சம்பந்தப்பட்டவர்கள் மீது, கடும் நடவடிக்கை எடுக்க வேண்டும் என, வலியுறுத்தி உள்ளன. நேற்று வெளியான, பாகிஸ்தான் பத்திரிகைகளில், முதல் பக்கத்தில், சரப்ஜித் சிங் செய்தி வெளியாகி இருந்தது. அந்த பத்திரிகைகளில், சரப்ஜித் சிங் மரணத்திற்கு இரங்கல் தெரிவிக்கும் வகையில் செய்திகள் இடம் பெற்றிருந்தன. மேலும், நியாயமான முறையில் விசாரணை நடத்த வேண்டும் எனவும், அந்த பத்திரிகைகள் வலியுறுத்தியிருந்தன.

சீக்கியர், காங்கிரஸ், தேர்தல் – 2014: தேர்தலை மனதில் வைத்துக் கொண்டு, சீக்கியர்களிடத்தில் வளைந்து செல்லும்ம் வேலையில் ஈடுபட்டால், காங்கிரஸ் மறுபடியும், ஒரு பெரிய இழப்பை எதிர் கொள்ள வேண்டியிருக்கும். இப்பொழுது தான், ஓரளவிற்கு, சீக்கியப் பிரிவினைவாதம் தணிந்து, சுமூக உறவு ஏற்பட்டுள்ளது. அதனுடன் காங்கிரஸ் விளையாடினால், மறுபடியும் எதிர்விளைவுதான் ஏற்படும். பாகிஸ்தான், அதனைத்தான் எதிர்பார்க்கிறது. ஏனெனில், பஞ்சாபில் பிரச்சினை என்றால், காஷ்மீர் பிரச்சினையை சாதகமாக்கிக் கொண்டு, இந்தியாவில் நுழையலாம். சரியாக இந்நேரத்தில் தான் சீனத்துருப்புகளும் லடாக்கில் நுழைந்துள்ளன. இவற்றை நிர்வகிக்கத் தெரியாத காங்கிரஸ் அரசு, சிறுமைத்தனமாக, இத்தகைய நிகழ்சிகளில் பங்குக் கொண்டு ஆதாயம் தேடப் பார்ப்பது, கேவலமான செயல்.

உன்கி நாநி யாத் ஆயேகி: அப்பா இப்படி சொன்னது ஞாபகத்தில் இருக்கும். அவர்களுக்கு அவர்களது பாட்டி-கொள்ளுப் பாட்டி ஞாபகம் வரவேண்டும் – அதாவது அப்படியொரு பாடம் புகட்டவேண்டும் – என்று ராகுல் சொல்லித்தான், சீக்கியர்கள் கொலை செய்யப்பட்டனர்.  ராகுலுக்கு சீக்கியர்களை வளைத்துப் போடுவதற்கு சாமர்த்தியம் இருக்கிறாதா என்று தெரியவில்லை. பாட்டி எப்படி இறந்தால் என்பதும் ராகுலுக்குத் தெரிந்திருக்கும்.  பிறகு எதற்கு, இந்த விபரீத விளையாட்டு?

வேதபிரகாஷ்

04-05-2013


[1] During the meeting that lasted for nearly an hour, Mr Gandhi reportedly got very emotional. He was seen hugging Sarabjit’s sister Dalbir Kaur in pictures captured by the media. He reportedly also broke down while talking to her.

http://www.ndtv.com/article/india/rahul-gandhi-s-emotional-meeting-with-sarabjit-singh-s-family-361772

[2] அப்பொழுது காங்கிரஸார் சீக்கியர்களையும், சீக்கிய சிரோமணி அகாலிதல் கட்சியிமனையும் “கம்யூனல்”, மதவாத கட்சி, செக்யூலரிஸத்திற்கு எதிரான கட்சி என்றெல்லாம் விமர்சித்து தேர்தல் பிரச்சாரம் செய்துள்ளதை சீக்கியர்கள் மறக்க மாட்டார்கள்.

[5] உளவாளி, ஒற்றன் எனும்போது, ஆளும் கட்சி, ராஜீயமுறையில் ஒற்றர்கள் பரிமாற்றம் மூலம், சரப்ஜித் சிங்கை இந்தியா விடுவித்திருக்கலாம் என்று கூறியுள்ளதை நோக்கத்தக்கது. இக்கோணத்தில் சிந்திக்க காங்கிரஸுக்குத் தெரியவில்லையா அல்லது விடுவிக்க விருப்பம் இல்லையா என்ற கேள்வியும் எழுந்துள்ளது.

[6] Sarbjit’s family says he had crossed the Indo-Pak border inadvertently in an inebriated condition 23 years ago. He was arrested in Pakistan by the army in 1990 by the name of Manjit Singh. Accused of being an Indian spy, he was charged with plotting a series of bomb blasts in 1989 at Lahore and Multan, convicted, and was sentenced to death.

http://news.outlookindia.com/items.aspx?artid=797122

[7] Sarabjit was tried by several successive courts and was awarded death penalty. His trial was based on a confessional statement which the Pakistani authorities claim he gave during the course of the investigation.

[8] இதனையும் ஊடகங்கள் பெருமளவில் கிரிக்கெட் போட்டி மாதிரி போட்டிப் போட்டுக் கொண்டு, காண்பித்துக் கொண்டிருந்தன. அதுமட்டுமல்லாது, விஷயம் இல்லாததால், காண்பித்ததையே, திரும்ப-திரும்பக் காண்பித்துக் கொண்டிருந்தன.

[9] இதை மத்திய அரசு ஏன் எதிர்க்கவில்லை அல்லது அவ்வாறு செய்யலாமா என்று கேட்கவில்லை.