Posts Tagged ‘ஆணவம்’

தனி மனித முக்கியத்துவம், உட்பூசல், மற்றும் தவறான பிரச்சாரம் கூடாது – தமிழக பிஜேபி தோல்வி ஏன் (4)!

மே 29, 2016

தனி மனித முக்கியத்துவம், உட்பூசல், மற்றும் தவறான பிரச்சாரம் கூடாது – தமிழக பிஜேபி தோல்வி ஏன் (4)!

பிஜேபியை கிண்டல் அடிக்கும் எஸ்.வி.சேகர்

சமூக வலைத்தளங்களிலும் பிரிவுகள், சண்டைகள்: இந்த தலைவர்கள் ஒவ்வொருவரும் தங்களை முன்னிலைப்படுத்தி முகநூல், டுவிட்டர், வாட்ஸ்அப், வைபர், கூகுள் பிளஸ் போன்ற சமூக ஊடகங்களில் பதிவுகளை வெளியிட தனி குழுக்களை வைத்து பிரச்சாரம் செய்தது வெளிப்படையாகவே இருந்தது. தலைவரைப் பற்றி அதிக பதிவுகள், அதிக லைக்குள், கமெண்டுகள் முதலியவற்றை அவர்களது ஆட்கள் உருவாக்கினர். இத்தகைய போட்டியில், வரம்புகளை மீறி, ஒவ்வொரு கோஷ்டியும் மற்றவர்களைப் பற்றி சமூக ஊடகங்களில் முரண்பாடான, தவறான செய்திகளை திரித்துப் பரப்பி விட்டன. இதனால் அதிர்ச்சி அடைந்த தலைவர்கள் சமூக ஊடகங்களை கண்காணிக்க தனியாக ஆட்களை நியமித்து, எதிரணிக்கு ஆதரவாக பதிவிடுபவர்கள் கண்காணிக்கப்பட்டனர். பிஜேபி நலன் கருதி, பொதுவான மற்றும் ஆரோக்கியமான கருத்துகளை வெளியிட்டவர்களின் மீதும் இவர்கள் பாய்ந்து, தங்களது தன்மையினை வெளிப்படுத்திக் கொண்டனர். பிஜேபியை விட்டுஆதிமுக, திமுக, பாமக தலைவர்களை லைக் செய்வது, பாராட்டி பதிவுகளைப் போடுவது, அந்த தலைவர்களின் சமூகவலைதளங்களியே அவற்றைப் பார்த்துத் தெரிந்து கொள்ளும் வகையில், தாராளமாக செயல்பட்டார்கள்.

துக்ளக் - அட்டைப்படம் - பிஜேபி பற்றிகுமரி மாவட்டத்தில் கோட்டை விட்ட பிஜேபி: 2016 தேர்தலில் மக்கள் நல கூட்டணியை ஒப்பிட்டால் பாஜக கட்சி தமிழகத்தில் அதிக வாக்குகளை பெற்றுள்ளதோடு, 4 தொகுதிகளில் 2வது இடம் பிடித்துள்ளது[1].

  1. கன்னியாகுமரி மாவட்டத்தின், நாகர்கோவில் தொகுதியில் ஆரம்பம் முதலே திமுகவின் சுரேஷ் ராஜனுக்கும், பாஜகவின் எம்.ஆர்.காந்திக்கும் நடுவேதான் கடுமையான போட்டி இருந்தது. இருவரும் மாறி மாறி முன்னிலை பெற்றநிலையில், இறுதியில் சுரேஷ் ராஜன் நல்ல வாக்குகள் வித்தியாசத்தில் முன்னேறினார். காந்தி 2வது இடத்தை பிடித்தார்.
  1. கன்னியாகுமரி மாவட்டத்தின் மற்றொரு தொகுதியான கிள்ளியூரில் காங்கிரசின் ராஜேஷ்குமாருக்கு அடுத்து, பாஜகவின் விஜயராகவன் அதிக வாக்குகள் பெற்றார்.
  1. இதேபோல விளவங்கோடு தொகுதியில் சிட்டிங் எம்.எல்.ஏவான காங்கிரசின் விஜயதாரணிக்கு அடுத்தபடியாக தர்மராஜ் அதிக வாக்குகள் பெற்றார்.
  1. அதே குமரி மாவட்டத்தின், குளச்சல் தொகுதியில், அதிமுக சார்பில் போட்டியிட்ட முன்னாள் அமைச்சர் பச்சைமாலைவிட அதிக வாக்குகளை பெற்றுள்ளார், பாஜகவின் ரமேஷ். இத்தொகுதியில் வெற்றி பெற்றது காங்கிரஸ் சிட்டிங் எம்.எல்.ஏ பிரின்ஸ். அவர் பெற்ற வாக்குகள் ரமேஷ் பெற்ற வாக்குகள் 41167., இருவருக்குமான வாக்கு வித்தியாசம் 26028.
  1. குமரி மாவட்டத்தின் விளவங்கோடு தொகுதியில் சிட்டிங் எம்.எல்.ஏவான விஜயதரணி, பாஜகவின் தர்மராஜைவிட 33143 வாக்குகள் அதிகம் பெற்று வெற்றி பெற்றுள்ளார். இங்கும் அதிமுக கூட்டணி 3வது இடத்துக்கு தள்ளப்பட்டுள்ளது.

குமரி மாவட்டத்தின் பெரும்பான்மையான தொகுதிகளில், திமுக கூட்டணிக்கு அடுத்த பலம் வாய்ந்த கட்சியாக பாஜக உருவெடுத்துள்ளது இதன்மூலம் தெரியவருகிறது. பாஜக வெல்லக்கூடிய தொகுதி என்று கணிக்கப்பட்ட வேதாரண்யத்தில் அதிமுகவின் மணியன் வெற்றி பெற்றுள்ளார். 2வது இடத்தை 37,838 வாக்குகள் பெற்று காங்கிரஸ் வேட்பாளர் ராஜேந்திரன் பிடித்துள்ளார். பாஜகவின் வேதரத்தினம், 3,7086 வாக்குகளை பெற்று 752 வாக்குகள் வித்தியாசத்தில் 2வது இடத்தை தவற விட்டு 3வது இடம் பிடித்துள்ளார். வாக்கு சதவீதத்தை எடுத்து பார்த்தாலும், அதிமுக, திமுக, கூட்டணிகளுக்கு அடுத்தபடியாக பாமகவும், அதன்பிறகு பாஜகவும்தான் உள்ளது. மக்கள் நல கூட்டணி போன்றவை அதற்கும் கீழே உள்ளன. பெரும்பாலும் அதிமுகவுக்கு செல்ல வேண்டிய வாக்குகளைத்தான் பாஜக ஈர்த்துள்ளது கவனிக்கத்தக்கது[2].

தமிழக பிஜேபியில் பொறாமை, போட்டி, கோஷ்டி-அரசியல் என்ற நிலை மாற வேண்டும்50 லட்சம் புதிய உறுப்பினர்கள் பற்றிய பிரச்சினை: மத்தியில் பாஜக ஆட்சி அமைத்தவுடன் இந்தியா முழுமைக்கும் அனைத்து மாநிலங்களிலும் பாஜகவை வலுப்படுத்த பாஜக தேசிய தலைவர் அமித் ஷாவும், பிரதமர் நரேந்திர மோடியும் தீவிரம் காட்டி வருகின்றனர். இந்த நிலையில், தமிழக தேர்லை மனதில் கொண்டு அதிக அளவு பாஜக உறுப்பினர்களை சேர்க்க தேசிய தலைவர் அமித் ஷா உத்தரவிட்டார். இதனையடுத்து, களத்தில் குதித்த தமிழக பாஜக, மிஸ்டு கால் மூலம் 50 லட்சம் புதிய தொண்டர்களை சேர்த்துள்ளதாக மார்தட்டியது. இதைக்கேட்டு, திமுக, அதிமுக கட்சிகளே மிரண்டன..தமிழகத்தில், பா.ஜ., வை வளர்க்க வேண்டும் என்ற நோக்கில், குறிப்பிட்ட தொலைபேசி எண்ணுக்கு, ஒருவர், ‘மிஸ்டு கால்’ கொடுத்தால், அவர்களை உறுப்பினராக சேர்க்கும் எளிமையான திட்டத்தை, கட்சி மேலிடம் அறிமுகப்படுத்தியிருந்தது. டில்லியில் இருந்து இத்திட்டத்தை, பா.ஜ., தகவல் தொழில்நுட்பப் பிரிவு செயல்படுத்தியது. அதன் முடிவில், தமிழகத்தில், 50 லட்சம் புதிய தொண்டர்கள் சேர்க்கப்பட்டதாக, பா.ஜ., அறிவித்தது.  அகில இந்தியப் பொதுச் செயலாளர் முரளிதர ராவ், 2015-ஆம் ஆண்டு செப்டம்பர் 1 அன்று பெரம்பலூரில் நடைபெற்ற பண்டிட் தீனதயாள் உபாத்யாய பயிற்சியாளர் முகாமில் பேசும் போது தெரிவித்தார்[3].

தமிழக பிஜேபி - தேர்தல் 50 லட்சம் உறுப்பினர் - 2016செப்டம்பர் 2015லிருந்து மே 2016 வரை இதனை “50 லட்சம் உறுப்பினர்சரிபார்க்கவில்லை: ஆனால், தமிழக தேர்தலில் போட்டியிட்ட தமிழக பாஜக தலைவர் தமிழிசை சவுந்தரராஜன் உள்ளிட்ட வேட்பாளர்கள் பலர் டெபாசிட் இழந்தனர். தேர்தலில், 12.28 லட்சம் ஓட்டுகளை மட்டுமே பெற்றுள்ளது. மீதமுள்ளவர்கள் ஓட்டளிக்கவில்லையா என்ற கேள்வி எழுந்துள்ளதுஇந்நிலையில், இந்த தேர்தலில் வெறும், 12.28 லட்சம் ஓட்டுகளை மட்டுமே, பா.ஜ., பெற்றுள்ளது[4]. செப்டம்பர் 2015லிருந்து மே 2016 வரை இதனை சரிபார்க்கவில்லை என்று சொல்லமுடியாது. அதுவும், 2011 தேர்தலில் பெற்ற ஓட்டுகளை காட்டிலும், கூடுதலாக, 4.1 லட்சம் மட்டுமே பெற்றுள்ளது.  அப்படியென்றால் மீதமுள்ள, 38 லட்சம் ‘மிஸ்டு கால்’ உறுப்பினர்கள், பா.ஜ.,வுக்கு ஓட்டளிக்கவில்லை. அதனால், ‘நிஜமாகவே, 50 லட்சம் உறுப்பினர்கள் சேர்ந்தனரா’ என்ற கேள்வி எழுந்து உள்ளது[5].  இதிலிருந்து 50 லட்சம் புதிய உறுப்பினர்கள் போலி என தெரிய வந்துள்ளது. அது மட்டும் அல்ல, 50 லட்சம் புதிய உறுப்பினர்களை சேரத்தாக கூறி, தேசிய தலைவர் அமித் ஷாவையே ஏமாற்றியுள்ளனர் என பாஜகவில் உள்ள உண்மையான தொண்டர்கள் குமுறுகின்றனர்[6]. இதனை தமிழ்.வெப்துனியா என்ற இணைதளம், “அமித் ஷா-வுக்கே அல்வா கொடுத்த தமிழக பாஜக” என்று நக்கலாக தலைப்பிட்டு செய்தி வெளியிட்டது[7].

Ramesh BJP Tamil Nadu

Ramesh BJP Tamil Nadu

தாறுமாறாகக் கிடக்கும் தமிழக பாஜக.. காது வரைக்கும் கோபத்தில் மோடி, ஷா[8]: தமிழக தேர்தல் பிரச்சாரத்திற்கு வந்த பிரதமர் மோடியும், பாஜக தலைவர் அமித் ஷாவும், தமிழக பாஜக தலைவர்கள் மீது கடும் கோபமடைந்துள்ளனராம். பிரச்சாரக் கூட்டத்திற்கு கூட்டம் சேரவில்லை என்பது ஒரு கோபம். இன்னொரு கோபம், வலிமையான கூட்டணியை அமைக்க தமிழக பாஜக நிர்வாகிகள் தவறியது. அதை விட பெரிய கோபம், தமிழக பாஜகவில் நிலவும் மிகப் பெரிய கோஷ்டிப் பூசல். இத்தனை கோஷ்டிகளோடு இருந்தால் எப்படி உருப்பட முடியும் என்று கோபமாக கேட்டாராம் மோடி. அமித் ஷாவுக்கு வந்த கோபத்துக்கு வேறு ஒரு முக்கியக் காரணம் உள்ளது. மோடி உள்பட பாஜக தலைவர்கள் யாரையுமே தமிழக மக்கள் கண்டுகொள்ளவில்லை, வரவேற்பு தரவில்லை என்பதே அவரது கவலை கலந்த கோபத்திற்குக் காரணமாம். இது நிச்சயம் லோக்சபா தேர்தலின்போது தங்களுக்குப் பாதகமாக அமையும் என அவர் கவலைப்படுகிறாராம்[9].

© வேதபிரகாஷ்

 28-05-2016

[1] தமிழ்.ஒன்.இந்தியா, தமிழகத்தில் வளர்கிறதா பாஜக? 4 தொகுதிகளில் 2வது இடம், வாக்கு சதவீதத்தில் 4வது இடம்!, By: Veera Kumar, Updated: Thursday, May 19, 2016, 19:11 [IST]

[2] http://tamil.oneindia.com/news/tamilnadu/bjp-done-reasonably-well-the-tamilnadu-assembly-election-254085.html

[3]http://www.dinamani.com/editorial_articles/2016/05/24/%E0%AE%AA%E0%AE%BE%E0%AE%9F%E0%AE%99%E0%AF%8D%E0%AE%95%E0%AE%B3%E0%AF%8D-%E0%AE%AA%E0%AE%B2-%E0%AE%89%E0%AE%A3%E0%AF%8D%E0%AE%9F%E0%AF%81-%E0%AE%95%E0%AE%B1%E0%AF%8D%E0%AE%AA%E0%AE%BE%E0%AE%B0%E0%AF%8D%E0%AE%95%E0%AE%B3/article3448002.ece

[4] தினமலர், மிஸ்டு கால்உறுப்பினர்கள் பா..,வில்மிஸ்சிங்ஏன்?, மே.21. 2016.02.08.

[5] http://www.dinamalar.com/news_detail.asp?id=1526288

[6] http://tamil.webdunia.com/article/regional-tamil-news/amit-shaw-bjp-cheating-tamilnadu-116052100023_1.html

[7] தமிழ்.வெப்துனியா, அமித் ஷாவுக்கே அல்வா கொடுத்த தமிழக பாஜக, சனி, 21 மே 2016 (15:14 IST).

[8] தமிழ்.ஒன்.இந்தியா, தாறுமாறாகக் கிடக்கும் தமிழக பாஜக.. காது வரைக்கும் கோபத்தில் மோடி, ஷா!, By: Sutha, Updated: Tuesday, May 10, 2016, 11:06 [IST]

[9] http://tamil.oneindia.com/news/tamilnadu/modi-amit-shah-upset-over-the-affairs-tn-bjp-253270.html

Advertisements

சோனியா புகைப்படத்தை மாற்றி பேஸ்புக்கில் போட்டதால் புகார் செய்யப்பட்டு வழக்குத் தொடரப்பட்டுள்ளது!

ஜூலை 3, 2013

சோனியா புகைப்படத்தை மாற்றி பேஸ்புக்கில் போட்டதால் புகார் செய்யப்பட்டு வழக்குத் தொடரப்பட்டுள்ளது!

Sonia picture mosrphed 2013

The above photo is from from the DNA site

உள்ளது உள்ளபடியான கேலிச் சித்திரம்: நகைச்சுவை, தமாஷ், ஜோக், துணுக்கு, என்ற வகையில் படங்களை வரைவது முன்னர் கணினி இல்லாதக் காலத்தில், ஒரு கலையாக இருந்து வந்தது. படத்தைப் பார்த்தவுடன் ரசிக்கும்படி அவை இருந்தது, இருக்கின்றன. இப்பொழுது கூட, சில குறிப்பிட்ட நாளிதழ்களில் / பத்திரிக்கைகளில் குறிப்ப்ட்டவர்களின் “கேலிச்சித்திரம்” பிரபலமாக இருந்து வருகிறது. கற்பனையும், கைவண்னமும் தான் அவற்றில் மேலோங்கி நிற்கும். அவற்றை கீழ்கண்ட வகைகளில் இருக்கலாம்:

  • கேலிச்சித்திரம் / படம்
  • புகைப்படம்
  • இரண்டு படம் / புகைப்படங்களை இணைப்பது, இணைத்துக் காட்டுவது
  • இரண்டு அல்லது அதற்கு பேற்பட்ட படம் / புகைப்படங்களில் உள்ளவற்றை சேர்ப்பது, இணைப்பது, இணைத்துக் காட்டுவது

இவற்றில் எந்தவித மாற்றங்களையும் செய்யாமல் இருப்பர். உள்ளது உள்ளபடி இருக்கும், ஆனால், அவற்றை விவரிக்கும் போது, விளக்கும் போது, வேறுபடுத்திக் காட்டும் போது, சொல்ல வந்த கருத்துக்களை வெளிப்படுத்தும் வகையில் இருக்கும். பார்ப்பவர்கள், படிப்பவர்கல் புரிந்து கொள்வார்கள்.

Sonia angry

சித்தாந்த ரீதியில் வரையப் பட்ட கேலி சித்திரங்கள் (சுதந்திரத்திற்கு முன்பு): கார்ட்டூனிஸ்ட்டுகள் என்ற கேலிச்சித்திர கலைஞர்கள் நாளிதழ்கள்-பத்திரிக்கைகளில் பணியாற்றி வரும் நிலையில், அவை குறிப்பிட்ட சித்தாந்தம் அல்லது அரசியல் கட்சி சார்புடையதாக இருக்கும் போது, கேலிச்சித்திரங்களும் அவ்வாறே வரையும்படி பணிக்கப்பட்டனர் அல்லது பணியில் உள்லவர் வரைந்து தமது தொழிலை வளர்த்தனர். சுதந்திரகாலகட்டத்தில், ஆங்கிலேய கேலிச்சித்திரங்கள் சுதந்திரப் போராட்ட வீரர்களை மிகவும் மோசமாகத்தான் சித்தரித்துக் காட்டின. இன்று இந்தியர்கள் மதிக்கும் தலைவர்களை “நாய்கள்” பொன்றெல்லாம் சித்தரித்துக் காட்டின. இந்தியர்களையும் கேவலமாக – அறியாமை, ஏழ்மை, காட்டுமிராண்டித்தனம், மூடத்தனம், பேய்-பிசாசுகளை வழிப்பட்ய்ம் தன்மை – முதலிவற்றுடன் தொடர்பு படுத்தி – படம்பிடித்துக் காட்டினர்.

Case booked against the person for posting morphed Sonia picture

சித்தாந்தரீதியில் வரையப் பட்ட கேலிசித்திரங்கள் (சுதந்திரத்திற்கு பின்பு): சுதந்திரத்திற்குப் பிறகு காங்கிரஸ்காரர்கள், முஸ்லிம்கள், கிருத்துவர்கள் மற்றும் கம்யூனிஸ்டுகள் ஊடகங்களில் ஆதிக்கம் செல்லுத்த ஆரம்பித்தனர். அவர்களும் அதே ஆங்கிலேய-ஐயோப்பிய தாக்குதல்களை விசுவாசத்துடன் செய்து வந்தனர். அப்பொழுது இன்னொரு வெளிப்படையான விஷயம் என்னவென்றால், கம்யூனிஸ்ட்டுகள் மற்றும் முஸ்லிம்களும் தங்களது விசுவாசத்தை தத்தமது சித்தாந்த மூல நாடுகளுக்குக் காட்டிக் கொண்டிருந்தனர். இன்றும் அவர்களுடைய ஆதிக்கம்-தாக்கம் தொடர்ந்து வருகிறது. இதனால், அவர்கள் மக்களின் மனங்களை, சிந்தனைகளைக் கட்டுப்படுத்த, ஈர்த்து தம் சித்தாந்தங்களுக்கேற்ப மாற்ற, அவர்களை அம்முறையிலேயே கட்டுக்குள் வைத்திருக்க பற்பல முறைகளைக் கையாண்டனர். அவர்களின் கைதேர்ந்த, தொழிற்நுணுக்கம் மிகுந்த, வியாபார யுக்தி நிறைந்த முறைகள் மற்றவர்களுக்கு வராது. அதனால் தான், காங்கிரஸ்காரர்கள்-அல்லாத, முஸ்லிம்கள்-அல்லாத, கிருத்துவர்கள்-அல்லாத மற்றும் கம்யூனிஸ்டுகள்-அல்லாத தேசிய, நாட்டுப்பற்று மிக்க, பிஜேபி போன்ற மாற்று அரசியல்வாதிகள் அம்முறைகளை கையாளும் போது, ஏதோ செய்யத்தெரியாத ஆட்களை போன்று செய்து மாட்டிக் கொள்கிறார்கள். உணர்வுகல் இருந்தும் யுக்திகள் அவர்களிடம் இல்லாது போது, ஏதோ நாகரிகமற்ற இடைக்கால்த்தவர் போல ஆகிவிட்டுகிறார்கள்.

Manmohan taking Sonia on a bike

Taken from the below mentioned website – shown for illustrative purposes

கணினி கேலிச்சித்திரங்களின் விபரீதங்கள்: ஆனால், கணினி வந்தபிறகு, அந்த தொழிற்நுட்பம் அறிந்தவர்களும், அறியாதவர்களும், உள்ள புகைப்படங்களை சேர்ந்து, இணைத்துக் காட்டி வருவது வழக்கமாக இருக்கிறது. கணினி வந்த பிறகு, புகைபடங்கள் டிஜிடல் மடிவமைப்பு முறையில் கிடைப்பதால் அவற்றை மாற்றமுடிகிறது. அதாவது, சிறிதாக்குவது, பெரிதாக்குவது, வெட்டுவது, ஒட்டுவது முதலியன சுலபமாக இருக்கிறது. யாராவது ஒரு குறிப்பிட்ட நபருடன் நின்றுகொண்டிருப்பது போல ஒரு புகைப்படம் வேண்டுமானால், இப்பொழுது சுலபமாக செய்துவிடலாம். ஆனால், அவற்றையெல்லாம் தாண்டி, வரம்புகளை மீறி அவதூறு, தூஷணம் செய்யவேண்டும், தனிப்பட்ட நபரை இழிவு படுத்த வேண்டும் என்ற பிடிவாதமுறையில், அவற்றை செய்தால் குற்றம் என்றும் சொல்லலாம். சிலர் ஆபாசமாக சித்தரித்துக் காட்டுகிறார்கள், குறிப்பாக சினினா நடிகர்-நடிகைகளுடன் சேர்த்து மாற்றம் செய்யும் போது அந்நிலை உருவாகிறது[1]. இப்பொழுதோ, கணினி முறைகளில் அவற்றை மேலும் அதிகமாக மாற்றங்களை செய்யமுடியும் என்பதால், அத்தகைய மாற்றுமுறைப் புகைபடங்கள், மாற்றப்பட்ட புகைபடங்கள், மாறிய புகைபடங்கள் என்று வந்து கொண்டிருக்கின்றன. இவற்றை ஆங்கிலத்தில் “மார்ப்ட்” (morphed) என்கிறார்கள் அம்முறை மார்பிங் (morphing) எனப்படுகின்றது.

Gandhi caricature on stampசோனியா புகைப் படத்தை மாற்றி பேஸ்புக்கில் போட்டதால் புகார் செய்யப்பட்டு வழக்குத் தொடரப் பட்டுள்ளது  (ஜூலை 2013): ஜலந்தரில் சந்தீப் பல்லா இளைஞர் மீது இன்வார்மேஷன் டெக்னோலாஜி சட்டத்தின் 66A பிரிவின் கீழ் ஆட்சேபிக்கும் முறையில், சோனியா பொகைப்படத்தை மாற்றி பேஸ்புக்கில் போட்டதால் புகார் செய்யப்பட்டு வழக்குத் தொடரப்பட்டுள்ளது[2]. சஞ்ச்சய் செகால் என்ற காங்கிரஸ் தலைவர் புகார் கொடுத்துள்ளார்[3]. அவர் பிஜேபியைச் சேர்ந்தவர் என்ற குற்றச்சாட்டுகளும் சேர்ந்துள்ளன[4]. இதனால், பிரச்சினை அரசியல் ரீதியில் சூடாகியுள்ளது[5]. நாளிதழ்களும் ஜாகிரதையாக பிடிஐயின் செய்தியை அப்படியே போட்டிருப்பது, இதன் பிரச்சினைத் தன்மையினைக் காட்டுவதாக உள்ளது.

Gandhi caricature - non-violenceவேதபிரகாஷ்

© 03-07-2013


[2] A case was registered here against Sandeep Bhalla under Section 66A of the Information Technology Act on the complaint of local Congress leader Sanjay Sehgal, police said.

http://www.hindustantimes.com/India-news/Punjab/Morphed-picture-of-Sonia-posted-on-FB-case-filed/Article1-1086182.aspx

[3] Morphed picture of Sonia posted on FB, case registered, Jalandhar, Jul 2 (PTI) A youth, claiming to be a BJP activist, was today booked here for allegedly posting an objectionable picture of Congress President Sonia Gandhi on a social networking website. A case was registered here against Sandeep Bhalla under Section 66A of the Information Technology Act on the complaint of local Congress leader Sanjay Sehgal, police said. Sehgal had filed the complaint yesterday and had also approached the police commissioner online on the matter.

http://www.ptinews.com/news/3769787_Morphed-picture-of-Sonia-posted-on-FB–case-registered